رغم كل العيون اللي معي وادري يحبوني
احس بغيبتك كنني وحيد ولا معي انسان
يحاكوني يبون انسى فراقك هم يحسبوني؟
افكر بالكلام اللي يقولونه عن النسيان
يحاكوني وانا سارح ولا اسمعهم يحاكوني
اجاملهم وانا عقلي معاك وخافقي سرحان
يهل الليل والقاهم مثل كل ليل خلوني
وحيد وكلهم ناموا واتم بوحدتي سهران
وحيد ابقى مع دمعي مع همي مع شجوني
واحس بخافقي كوكب مخاليقه قهر واحزان
تعبت من الحياه اللي بها العالم تناسوني
وتعبت الدموع وهموم ومعاناة وشقى وحرمان
يلوموني ولا حس بعذابي من يلوموني
بعضهم ناصح وبعضهم عذول وبعضهم شمتان
قسم بالله لو عاشوا معاااااناتي يعذروني
وحرام اللي على الشاطئ يلوم اللي في البحر غرقان
ولكم أرق واعذب التحايا
موضوع: قصيده رائعه..!! لاتفوتكم.؟؟ 
الجمعة فبراير 22, 2008 6:41 pm
