معالف الحمام

بسم الله الرحمن الرحيم السلام عليكم ورحمة الله وبركاته

كل مربي عليه الاهتمام بمعالف الحمام المناسبه اللي يقدر من خلالها وضع الكميه المناسبه

من الاكل للحمام حسب عدد الحمام الموجود سواء في محكر او جمعي

ويجب على كل مربي عند اختيار المعالف ان يراعي عدة جوانب ومن اهمها

النظافه ان تكون سهلة التنظيف وتكون من النوعيه اللي يبين عليها الاوساخ بسهوله

وتختلف المعالف لعدة اشكال واحجام على حسب حجم القفص وحسب عدد الحمام الموجود

فيه

نبتدي نشوف اول المعالف واللي تعتبر من الاحجام الصغيره اللي تستعمل عاده

اما فالمحاكر المخصصه لجوز واحد فقط او حتى في بعض لقفاصه اللي يكون حجمها 1م * 1م
وهذا النوع انا استخدمه للمحاكر فقط اخليه على جنب ودوم اعبيه املاح للحمام

علشان تحافظ على كمية الاملاح ماتخلطها بالاكل وبعد تتاكد ان الجوز قاعد ياكل الاملاح

بشكل مناسب ومافي اي نقص من ناحية الاملاح


-------------------------------------------------------------


هذا بشكل مختصر المعالف اللي تستخدم فالمحاكر والقفاصه الصغيره

اما عن لقفاصه الكبيره واللي يكون فيها تربية الحمام جمعي

يجب على المربي ان يوفر الاكل بالكم المناسب لعدد الحمام وبعد يراعي ان المعلف يتسع

لاكبر عدد ممكن من الحمام علشان مايصير شجار على الاكل ويتعور الحمام

ونشوف اول نوع
هذا النوع يتعبى بالاكل بكميه كبيره وبعدها كل مااكل الحمام ينزله اكل زياده

وانا عن نفسي ما افضل هذا النوع

طبعا تتوفر من هذا النوع احجام صغير وسط وكبير

وفيه النوع الثاني

وهذا النوع انا استخدمه شخصيا وهو مناسب اكثر للجمعي

طبعا مثل ماشفتوا الصور المعلف مصمم على شكل مستطيل وبالتالي يستوعب اكبر عدد

ممكن من الحمام ياكلون مع بعض وفي نفس الوقت

وطبعا فيه انواع من هذا المعلف

نوع فيه غطى فوق علشان ماينزل وصخ الحمام فالداخل وفيه نوع مثل هذا بدون غطى

بس مشكلة اللي بالغطى ان بعض الحمام يحب يقعد فوقه ويوصخه

اما هذا النوع المكشوف الحمامه ماتقدر تقعد فوق بس اهم شي لازم المربي يراعي عدم

وضعه تحت اي شي الحمام يقدر يوقف عليه علشان فضلات الحمام ماتسقط داخل المعلف


اتمنى الموضوع عجبكم ............ حبيت يكون الموضوع مختصر ومفيد

شكرا لردكم

شكراااااا على المو1ضوع

شكرا على الردود