الى كل من غاب عن المنتدى

السلام عليكم ورحمة الله وبركاته



انا النهارده جاية بالموضوع وليا سبب قوى جدا

انى بصراحه حال المنتدى مش عاجبنى

واللى فيكم عاجبه الحال ده ممكن يقول رايه بكل صراحه

انا عاوزاكم تشاركونى بارائكم

وياريت نبطل نكتب

( مشكور للطرح _ جنان _ ثانكس )

لان الجمل دى بصراحه بقت ممله واحيانا مش بتنفع

انا سميت الموضوع الى كل من غاب عن المنتدى

لان فى اعضاء كتير اوى كانو موجودين لفترة وبعد كده اختفوا

واعضاء بيظهرو فترة ويختفوا بعد كده

ده غير ان كتير من الاعضاء الموجودين مش بيضيفوا اى جديد

وكانهم بيدخلو عشان يقولو مشكور وثانكس

لدرجة ان المنتدى ممكن يفضل اكتر من اسبوع من غير اى موضوع جديد الا فى القسم الاسلامى

وده يرجع لمجهود المشرف المتميز

ياجماعه بليز ارجو انكم تتفاعلو معايا وكل واحد يطرح حل لمشكلات كتيرة فى المنتدى منها

1 - قلة عدد الاعضاء

2 - قلة الموضوعات

3 - ومش عاوزة حد يزعل منى ( فيه مشرفين مكبرين دماغهم )

اعزرونى انا اتعينت مشرفه النهارده بس وان شاء الله هتشوفو مجهود

كفايه كده

ياريت تفكرو معايا ازاى هنصلح حال المنتدى ونخليه مش بينام

وكل ماندخل نلاقى عشرات الاعضاء موجودين

ده غير اننا مش متواصلين يعنى لو كنا على تواصل ببعض وعلى صداقه هنقدر نفيد المنتدى اكتر

ارجوكم تشاركونى

انا بعتذر لو كنت جامده فى طريقة كلامى او طولت عليكم بس صدقونى ده للمصلحه العامه

مستنيه ردودكم

السلام عليكم ورحمة الله

اولا اهنئك صاحب الموضوع  على ااختيارة له  موضع رائع حقا عن جد  


واحببت ان اضيف  اليها  هذا التعريف



وجزى الجميع كل خير والى الامام اعضاء المنتدى وادارتة  وجعلكم الله   ذخرا لدينة ونشر سنتة


تقبلو مرورى  نصرة الحبيب